नेपाल बिरुद्द युएइ – नेपालले खेल १४ रनले जितेको छ !

where to order prednisone online नेपालले खेल १४ रनले जितेको छ !

ललितनारायण राजवंशीले लगातार दोस्रो विकेट लिनेक्रममा अमिर हायतलाई १ रनमा आउट गरेका छन् । युएईको आठौं विकेट झरेको छ ।

१०५ रनको लक्ष्य लिएर आएको युएईले ९ ओभरमा ६ विकेट गुमाई ८५ रन बनाएको छ, अन्तिम ओभरमा टोलीलाई विजयका निम्ति २० रनको आवश्यक्ता ।

अविनाश बोहरालाई दोस्रो सफलता । उनले मोहम्मद बुटालाई ११ रनमा आउट गरी नेपाललाई छैटौं सफलता दिलाएका छन् ।

करण केसीले युएईका कप्तान मोहम्मद नावेदलाई शुन्यमा आउट गरेका छन् । नेपाललाई पाँचौं सफलता ।

नेपाललाई चौथो सफलता । करण केसीले साइमन अनवरलाई ३० रनमा आउट गरेका छन् ।

१०५ रनको लक्ष्य लिएर आएको युएईले ७ ओभरमा ३ विकेट गुमाई ७२ रन बनाएको छ ।

युएईले ६ ओभरमा ३ विकेट गुमाई ६१ रन बनाएको छ, नेपालले छाडेको लक्ष्य १०५ रन ।

सन्दीप लामिछानेले मोहम्मद उस्मानलाई आउट गरी नेपाललाई तेस्रो सफलता दिलाएका छन् ।

युएईले ५ ओभरमा २ विकेट गुमाई ५८ रन बनाएको छ, नेपालले छाडेको लक्ष्य १०५ रन ।

अविनाश बोहराले घुलाम सब्बरलाई २५ रनमा बोल्ड गरी नेपाललाई दोस्रो सफलता दिलाएका छन् ।

युएईले ४ ओभरमा १ विकेट गुमाई ५१ रन बनाएको छ, नेपालले छाडेको लक्ष्य १०५ रन ।

युएईले ३ ओभरको समाप्तीमा १ विकेट गुमाई ३९ रन बनाएको छ ।

नेपाललाई पहिलो सफलता । सोमपाल कामीले अस्फाक अहमदलाई ८ रनमा आउट गरे । २ ओभरमा युएईको १ विकेट गुमाई २९ रन ।

सन्दीप लामिछानेको पहिलो ओभरमा युएईले २० रन जोडेको छ ।

सन्दीप लामिछानेको पहिलो दुई बलमा घुलाम सब्बरले क्रमश छक्का र २ चौका प्रहार गरेका छन्

नेपालले निर्धारित १० ओभरमा ८ विकेट गुमाई १०४ रन बनाएको छ, युएईलाई १०५ रनको लक्ष्य ।

विनोद भण्डारी १३ बलमा २१ रन बनाई आउट भएका छन् । नेपालको सातौं विकेट झरेको छ ।

करण केसी ५ बलमा १० रन बनाई आउट भएका छन् । ३ बल खेल्न बाँकी हुदा नेपालको ६ विकेट गुमाई १०२ रन छ ।

नेपालले ९ ओभरमा ५ विकेट गुमाई ९४ रन बनाएको छ । विनोद भण्डारी १९ र करण केसी २ रन बनाएर खेलिरहेका छन् । इनिङ्सको अन्तिम ओभरको खेल हुदैं ।

सन्दीप जोरा ११ बलमा २८ रन बनाई मोहम्मद नावेदको बलमा बोल्ड भएका छन् ।

नेपालले पछिल्लो ओभरमा १९ रन जोडेको छ । ८ ओभरको समाप्तीमा नेपालको ४ विकेट गुमाई ८८ रन छ । सन्दीप जोरा ९ बलमा २६ र विनोद भण्डारी ९ बलमा १७ रन बनाएर खेलिरहेका छन् ।

ओभरको अन्तिम बलमा विनोद भण्डारीले छक्का प्रहार गरेका छन् । ७ ओभरमा नेपालले ४ विकेट गुमाई ६९ रन बनाएको छ ।

नेपालले ६ ओभरको समाप्तीमा ४ विकेट गुमाई ५६ रन बनाएको छ । सन्दीप जोरा ११ र विनोद भण्डारी १ रन बनाएर खेलिरहेका छन् ।

कप्तान पारस खड्का २९ रन बनाई आउट भएका छन् ।

नेपालले 5 ओभरको समाप्तीमा ३ विकेट गुमाई 42 रन बनाएको छ ।

नेपालले ४ ओभरको समाप्तीमा ३ विकेट गुमाई ३१ रन बनाएको छ । कप्तान पारस खड्का १० र सन्दीप जोरा ८ रन बनाई खेलिरहेका छन् ।

नेपाललाई तेस्रो झट्का । दीपेन्द्रसिंह ऐरी २ रनमा आउट भएका छन् ।

नेपालले तेस्रो ओभरमा ज्ञानेन्द्र मल्ललाई ११ रनमा गुमाएको छ । यसअघि नै पवन सर्राफ शुन्यमा आउट भइसकेका थिए ।

युएईले नेपालसँगको ट्ववान्टी–२० अन्तर्राष्ट्रिय शृंखलाको तेस्रो खेलमा टस जितेर फिल्डिङ रोजेको छ । वर्षाका कारण दुबईमा हुन लागेको खेल १०–१० ओभरको बनाइएको छ ।

अहिले दुबईमा हावा हुरी सहित बर्षा भइरहेको छ । यसकारण आज नेपाल र युएइबीचको अन्तिम टि-२० क्रिकेट प्रभावित हुन सक्ने आशंका गरिएको छ ।

सही समयमा दीपेन्द्रसिंह ऐरी लयमा फर्किएपछि संयुक्त अरब इमिरेट्स (यूएई) विरुद्धको तीन ट्वान्टी–२० शृङखला पनि नेपाललाई जितको अवसर छ ।

ऐतिहासिक एकदिवसीय शृंखलाकै जितयात्रालाई अनुशरण गर्ने लक्ष्यसहित चिरपरिचित एसोसिएट प्रतिस्पर्धीविरुद्ध नेपालले शनिबार तेस्रो तथा निर्णायक ट्वान्टी–२० अन्तर्राष्ट्रिय खेल्दै छ ।
एकदिवसीयमा पनि पहिलो खेल ३ विकेटले हारपछि नेपालले तीन खेलको शृंखलामा पनि ठोस पुनरागमन गरेको थियो । ऐतिहासिक एकदिवसीय शृंखला जित्ने क्रममा कप्तान पारस खड्काको पहिलो एकदिवसीय अन्तर्राष्ट्रिय शतक र युवा खेलाडीको प्रदर्शन निर्णायक रह्यो ।


ट्वान्टी–२० शृंखलामा पनि नेपालको अवस्था ठ्याक्कै त्यस्तै बनेको छ । शीर्षक्रमका ब्याट्सम्यानहरू चल्न नसकेको पहिलो खेलमा नेपालले २१ रनको हार बेहोरेको थियो ।
युएईसँगको ट्वान्टी–२० अन्तर्राष्ट्रिय शृंखला जोगाइराख्न शुक्रबार दोस्रो खेलमा नेपालले ४ विकेटको जित हासिल गर्‍यो ।यस जितले नेपाललाई नेपाललाई पहिलो ट्वान्टी–२० अन्तर्राष्ट्रिय शृंखला जित्ने अवसर पनि बनाएको छ । नेपालले २०१४ मा हङकङसँग तीन खेलको शृंखला खेल्न श्रीलंका गएको थियो । तर वर्षाले एक खेलमात्र सम्भव भयो, त्यसमा सोमपाल कामीले दसौं नम्बरमा ब्याटिङ गर्दै विश्व कीर्तिमान बनाए पनि पराजित भएको थियो ।
सन् २०१५ मा नेपालले नेदरल्यान्ड्समा गएर ४ खेलकोट्वान्टी–२० शृंखला खेल्यो । अन्तिम खेलमा पारस खड्काले अर्धशतक बनाउँदै नेपाललाई जिताए पनि नेदरल्यान्ड्सले शृंखला ३–१ ले जित्यो । नेपाल यही शृंखलाबाट ४ वर्षअगाडि ट्वान्टी–२० अन्तर्राष्ट्रियको विश्व वरीयतामा प्रवेश गरेको थियो ।
दुबईमा मध्यक्रमका ब्याट्सम्यान दीपेन्द्रले शुक्रबार ४१ बलमा अविजित ४७ रन बनाएपछि नेपालले १ सय ८ रनको सामान्य लक्ष्य तीन बल बाँकी छँदा भेट्टाएको हो । नेपाललाई अन्तराष्ट्रिय एकदिवसीय मान्यता दिलाउनेलगायत पछिल्ला केहीवर्षदेखि दीपेन्द्र नेपाली टोलीका प्रमुख सदस्य छन् । यू–१९ का पूर्व कप्तान दीपेन्द्र यूएई भ्रमणका पछिल्ला चार खेलमा असफल रहे । उनले एकदिवसीयका ३ खेलमा १६ रनमात्र बटुले । पहिलो ट्वान्टी–२० मा पनि ४ रनमै आउट भए ।
दोस्रो ट्वान्टी–२० मा १ सय ८ रनको लक्ष्य पछ्याउने क्रममा कुनै समय नेपालको अवस्था ४६/५ थियो । दीपेन्द्रले पवन सर्राफसँग छैटौं विकेटमा ५५ रनको साझेदारी गरे । आफ्नो मुख्य हतियार सही समयमा लयमा फर्किएको देखेर कप्तान पारस खुसी छन् ।
‘हामी हमेशा उनीप्रति ठूलो विश्वास गछौं । उनले विगतमा टोलीका लागि धेरै योगदान गरेका छन् र उनी त्यस्ता खेलाडी हुन्, जसलाई विश्वास गर्न सक्छौं । मलाई आस छ कि उनी यो स्तरमा यस्तै लय कायम राखुन्,’ कप्तान पारसले भने । उनी दोस्रो खेलको जितबाट पूर्ण सन्तुष्ट भने छैनन् ।
उनले भनेका छन्, ‘हामीआफ्नो तर्फबाट पूरा कोसिसगर्नेछौं । त्यसका लागि फेरि सुरुआत गर्नुपर्छ । यसअघिका खेललाई हेर्दा दुवै टिमका खेलाडी राम्रो प्रदर्शनका लागि भोका छन् । भ्रमणको अन्तिम खेल आफ्नो पक्षमा ल्याउन हामी प्रयासरत हुनेछौं ।’


ट्वान्टी–२० राष्ट्रिय टोलीमा पुनरागमन गरेका ओपनर प्रदीप ऐरी अहिले दबाबमा छन् । अघिल्ला दुवै खेलमा उनले ब्याटबाट ठूलो योगदान दिन सकेनन् । उनी पहिलो खेलमा बिहीबार पहिलो बलमै आउट भए भने दोस्रो खेलमा शुक्रबार ८ रनमात्र बनाउन सके । तेस्रो खेलमा उनी एकदिवसीय टोलीका ओपनर विनोद भण्डारीबाट प्रतिस्थापन हुन सक्नेछन् ।
विनोदले ट्वान्टी–२० का दुई खेल खेलेका छैनन् । नेपालका लागि मुख्यभूमिका बलरहरूको हुनसक्छ । एकदिवसीय शृंखला जित्ने क्रममा पनि बलरहरूकै प्रदर्शन प्रभावशाली थियो । सोमपाल कामीले ओपनिङ बलरका रूपमा सानदार प्रदर्शन गरिरहेका छन् । दुवै खेलमा आफ्नो ४ ओभरको स्पेलमा उत्कृष्ट देखिएका उनले २–२ विकेट लिएर उत्कृष्ट सुरुआत गर्न सफल रहे ।
स्टार लेग स्पिनर सन्दीप लामिछानेले दुई खेलमा ४ विकेट लिएर आफ्नो अनुशासित बलिङमा लय कायम राखेका छन् । सबैभन्दा सकारात्मक पक्ष भनेको राष्ट्रिय टोलीबाट ‘डेब्यु’ शृंखला खेलिरहेका बलर अविनाश बोहरा छन् । जोआफ्नो पहिलो प्रतियोगितामा सानदार देखिएका थिए ।
निकै कम रनअपसाथ अविनाशले पहिलो दुई खेलमा सबैलाई प्रभावित पारेका छन् । विशेष रूपमा दोस्रो खेलमा उनले मात्र २० रन दिएर ३ विकेट लिए । शुक्रबारको जितमा महत्त्वपूर्ण रन बनाएपछि पवन सर्राफलाई एक अर्को मौका मिल्ने सम्भावना छ ।

स्रोत – कान्तिपुर

Leave a Reply

Your email address will not be published. Required fields are marked *